कुशीनगरमा डरलाग्दो घटना, कम्तीमा १३ जना महिलाको मृत्यु
काठमाडौं। भारतको उत्तर प्रदेशको कुशीनगरमा निकै डरलाग्दो घटना भएको छ । यहाँको नौरंगिया टोलामा भएको यो घटनामा १३ जना महिलाको मृत्यु भएको छ । बुधबार राती ‘हल्दीको रस्म’को क्रममा भएको दुर्घटनामा मारिनेहरु महिला र बालिकाहरु छन् । जानकारीअनुसार गाउँमा एउटा बिहे हुँदै थियो । यही बिहेको लागि हल्दीको कार्यक्रम भइरहेको थियो । महिलाहरु एउटा इनारमाथि स्ल्याब राखेर त्यही स्ल्याबमाथि बसेका थिए ।
कार्यक्रम चलिरहेको बेला अचानक स्ल्याब भाँचियो र त्यहाँ बसिरहेका सबै इनारभित्र खसे । दुर्घटनाको जानकारीपछि त्यहाँ पुगेको पुलिस टोलीले उद्धारको काम सुरु गरेको थियो । गाउँका उक युवकले बताएअनुसार घटनापछि पटक पटक एम्बुलेन्सलाई फोन गरिएको थियो । १० जनाले पटक पटक एम्बुलेन्सको लागि फोन गरेको भए पनि कुनै एम्बुलेन्स नपुगेको उनले बताए ।
उत्तर प्रदेश के कुशीनगर में हुआ हादसा हृदयविदारक है। इसमें जिन लोगों को अपनी जान गंवानी पड़ी है, उनके परिजनों के प्रति मैं अपनी गहरी संवेदनाएं व्यक्त करता हूं। इसके साथ ही घायलों के जल्द से जल्द स्वस्थ होने की कामना करता हूं। स्थानीय प्रशासन हर संभव मदद में जुटा है।
— Narendra Modi (@narendramodi) February 17, 2022
घटनास्थलबाट केवल ३ किलोमिटरको दूरीमा अस्पताल छ । घटनापछि एम्बुलेन्स नआएपछि निजी र पुलिसको जीपमा घाइतेहरुलाई अस्पताल लगियो । घटनापछि त्यहाँ रहेका केही युवकहरुले डोरीको सहारामा इनारमा गएर उद्धार गर्न सुरु गरेका थिए । केही बेरमा पुलिस पुगेपछि पुलिसले पनि उद्धार अभियान सुरु गरेको थियो । परिवारका अनुसार स्ल्याब भाँचिन्छ भन्ने कुनै अनुमान थिएन । तैपनि मानिसहरुलाई त्यहाँ नजान भनिएको थियो तर नाच हेर्नका लागि मानिसहरु यति मग्न थिए कि कसैले पनि कुरा सुनेनन् ।
घटनापछि प्रधानमन्त्री नरेन्द्र मोदीले दुःख व्यक्त गरेका छन् । उनले ट्वीट गरेका छन् ‘उत्तर प्रदेशको कुशीनगरमा भएको दुर्घटना हृदयविदारक छ । यसमा जसले आफ्नो ज्यान गुमाउनु परेको छ उनीसहरुप्रति गहिरो समवेदना प्व्यक्त गर्दछु । यसका साथै घाइतेहरुको शीघ्र स्वास्थ्यलाभको कामना गर्दछु । स्थानीय प्रशासन हरसम्भव सहयोगमा जुटेको छ ।’ यसका साथै प्रधानमन्त्री मोदीले ज्यान गुमाउनेका परिवारलाई प्रधानमन्त्री राहत कोषको तर्फबाट २–२ लाख र घाइतेलाई ५० हजार राहतको घोषणा गरेका छन् ।
Facebook Comment