काठमाडौं । काबुलको एक मस्जिदमा शुक्रबार भएको शक्तिशाली बम विस्फोटमा ५० जनाभन्दा बढीको मृत्यु भएको दाबी गरिएको छ ।

मुस्लिम धर्मावलम्बीहरुको पवित्र महिना रमजानमा अफगानिस्तानमा कैयौँ विस्फोट भएका छन् र त्यसमा अहिलेसम्म दर्जनौँ सर्वसाधारणको मृत्यु भएको छ ।

समाचार एजेन्सी रोयटर्सका अनुसार शुक्रबार दिउँसो विस्फोट भएको हो । यो मस्जिद राजधानी काबुलको पश्चिममा अवस्थित छ। खलिफा साहिब मस्जिदमा विस्फोट हुँदा सयौं मानिस प्रार्थनाका लागि भेला भएका थिए।

1/2 The head of a mosque in the Afghan capital, Kabul, says at least fifty worshippers have been killed by powerful explosion that struck just after Friday prayers. The Taleban authorities are quoting much lower figures, with an Afghan interior ministry spokesman(Besmullah Habib)

— Zia Shahreyar l ضیا شهریار (@ziashahreyar) April 29, 2022

बीबीसी पर्शियन सर्भिसका जिया शहरयारले ट्वीट गर्दै काबुलको यो मस्जिदका प्रमुखले शुक्रबार दिउँसो नमाजपछि भएको बम विष्फोटमा कम्तिमा ५० जनाको ज्यान गएको जानकारी दिएका छन् । तर, तालिबान अधिकारीहरूले भने मारिनेको संख्या निकै कम रहेको बताएका छन् ।

अफगानिस्तानको आन्तरिक मन्त्रालयका प्रवक्ता बसमुल्लाह हबिबका अनुसार आक्रमणमा १० जनाको मृत्यु भएको छ ।

मस्जिदका प्रमुखका अनुसार यो आत्मघाती हमला भएको देखिन्छ । आक्रमणकारी नमाज पढ्नेहरूका बीचमा लुकेका थिए र यो हमला प्रार्थना पछि भएको थियो।

गत हप्ता कुन्दुज प्रान्तमा यस्तै विस्फोटमा बालबालिकासहित ३३ जनाको मृत्यु भएको थियो ।