काठमाडौं । हेटौडा उपमहानगरपालिकाको मतपत्रमा एक मतदाताले उम्मेदवारहरुलाई गाली गर्दै ‘नो भोट’ लेखेको भेटिएको छ ।

हेटौडा उपमहानगरपालिका वडा नं ४ को मतगणनाको क्रममा मतदाताले मतपत्रमा ‘नो भोट’ लेख्दै मतदान गरेको मतपत्र भेटिएको हो ।

मतपत्रमा ‘मेरो मत चोर नेताहरुलाई नो भोट’ लेखिएको छ ।

उक्त  मतपत्रमा कुनै पनि चिन्हमा स्वस्तिक छापको प्रयोग  गरिएको छैन ।

मतपत्र भेटिएपछि राजनीतिक दलका प्रतिनिधिहरुलाई देखाउँदा  कुनै प्रतिक्रिया नदिएको मतगणनामा संलग्न एक कर्मचारीले बताए ।