काठमाडौं । बाहुबली अभिनेता प्रभासको ब्याक टु ब्याक २ फ्लप फिल्मले उनका फ्यानहरुलाई निकै निराश बनाएको छ । प्रभासको आगामी फिल्म केजीएफ निर्देशक प्रशान्त नीलसँग छ। फिल्मको नाम सालार हो, जसमा प्रभासको जबरदस्त एक्सन अवतार देखिनेछ । तर यो फिल्ममा समस्या आएको छ जसका कारण निर्माण टिमले यसको सुटिङ रोक्नुपरेको छ ।

सालारको मुख्य नायक प्रभासका कारण फिल्मको सुटिङ अहिले ब्रेक लागेको छ । प्रभासको उही पुरानो तौल समस्याका कारण उनीसँग अहिले सुटिङ भइरहेको छैन । रिपोर्टका अनुसार प्रभास लामो समयदेखि आफ्नो तौललाई लिएर समस्यामा छन् ।

पछिल्लो पटक रिलिज भएको राधे श्यामको प्रमोशनका क्रममा पनि अभिनेता अनफिट देखिएका थिए । फिल्म राधे श्याममा प्रभास दुब्लो लुकमा देखा परेका थिए तर वास्तवमा उनी अनफिट देखिन्थे । प्रभासलाई राधे श्याममा देख्ने फ्यान उनको बढेको तौल देखेर छक्क परेका थिए ।

फिल्ममा प्रभासलाई सीजीआई प्रविधिबाट राम्रो आकारमा देखाइएको थियो । तर उत्कृष्ट काम गर्ने निर्देशक प्रशान्त नील कुनै पनि हालतमा गुणस्तरमा सम्झौता गर्न चाहँदैनन् । प्रशान्त नील फिल्म राधे श्याममा जस्तै प्रभासलाई फिट बनाउने चाल पछ्याउने मुडमा छैनन् । उनी प्रभासले आफ्नो तौल घटाएर फिजिकली टोन्ड शेपमा देख्न चाहन्छन् । त्यसपछि मात्रै प्रभास फिल्मको सुटिङमा फर्किनेछन् ।

निर्देशकको माग पूरा नभएसम्म प्रभास सालारको सुटिङमा फर्किने छैनन् । प्रशान्त नीलले प्रभासलाई आफ्नो नयाँ लुकका साथ फ्यानहरूसामु आउन् भन्ने चाहन्छन्। सालारमा प्रभासको अपोजिटमा श्रुति हसन देखिनेछिन् ।

चलचित्रमा जगपति बाबु र पृथ्वीराज सुकुमारनको पनि महत्वपूर्ण भूमिका छ । यो २०२३ को गर्मीमा थिएटरहरूमा रिलीज गर्न सेट गरिएको छ। सालार अभिनेता प्रभासका धेरै प्रोजेक्ट पाइपलाइनमा छन्। जसमा प्रोजेक्ट के, आदिपुरुष जस्ता फिल्महरू पर्छन्।