काठमाडौं । जेलबाट भाग्नका लागि लागुऔषध गिरोहका नाइकेले महिलाको गेटअप धारण गरे । उनी जेलबाट बाहिर निस्कन पनि सफल भए तर केही दूरीमा प्रहरीले उनलाई फेरि समात्यो ।

यस कुख्यात अपराधीको नाम सिजर ओर्टिज हो। उनलाई गोर्डिटि लिन्डो वा क्युट चुब्बी पनि भनिन्छ। घटना पाराग्वेको हो । सिजर राजधानी असुनसियनको ताकुम्ब नेशनल पेनिटेनियरीबाट भाग्न खोज्दै थिए।

स्थानीय सञ्चारमाध्यमलाई उद्धृत गर्दै डेलीमेलले जनाएअनुसार एक महिला जेलमा सिजरलाई भेट्न आएकी थिइन् । सिजर उनीसँगै निजी कोठामा गए। केही समय पछि, सीजरले ओलिभ ब्लाउज र नीलो स्कर्ट लगाए। उनले आफ्नो नङमा सेतो पालिस लगाए, नक्कली परेलाहरू लगाए, अनुहारमा मेकअप गरे र विग लगाए।

अधिकारीहरूका अनुसार महिलाहरूको गेटअपमा केही चेक प्वाइन्टहरूमा कसैले पनि सिजरलाई याद गरेनन्। त्यसपछि गार्डले जेलको निकास गेटको ढोका खोले । तर जेलबाट केही दूरीमा सिजरलाई फेरि पुलिसले समात्यो। उनीसँगै थप तीन जनालाई प्रहरीले पक्राउ गरेको छ, ती सबैमाथि जेलबाट भाग्न सिजरलाई सहयोग गरेको अभियोग छ।

यो घटनापछि सिजरलाई अर्को जेलमा सारिएको छ । तर, उनकी श्रीमती जेसिका सालिनासले भने यसमा आपत्ति जनाएकी छन् । उनले आफ्ना श्रीमानलाई फिर्ता गर्न अधिकारीहरुलाई आग्रह गरेकी छिन् । यसैबीच न्याय मन्त्रालयले यस विषयमा छानबिन गर्न आदेश दिएको छ । यस घटनामा ४ जनालाई हिरासतमा लिइएको छ ।

सिजर ल्याटिन अमेरिकी ड्रग डिलिङ गिरोह रोटेला क्लानको कमाण्डमा दोस्रो लिडर हुन् । अहिले यो गिरोह पाराग्वेमा लागुऔषध कारोबारमा आफ्नो आधिपत्य कायम गर्न युद्ध लडिरहेको छ। ती व्यक्तिहरू फर्स्ट क्यापिटल कमाण्डसँग प्रतिस्पर्धा गर्दैछन्, जुन ब्राजिलको सबैभन्दा शक्तिशाली जेल गिरोह र कोकिन निर्यातक हो।

पाराग्वेको एल नेशनल अखबारका अनुसार २०१९ देखि सिजरले ताकुम्ब नेशनल पेनिटेनियरीमा सजाय भोग्दै आएका छन्।