काठमाडौं । तपाईंले भूतको कथा धेरै सुन्नु भएको होला। कतिपय मानिसहरूले तिनीहरूलाई विश्वास गर्छन् र धेरै मानिसहरूले गर्दैनन्। तर एउटा यस्तो देश छ जहाँ भूतलाई १५ दिनसम्म खाना खुवाइन्छ । त्यहाँ यस्तो विश्वास गरिन्छ कि यदि मानिसहरूले यसो नगरेमा दुष्ट आत्मा र भूतले आफ्नो परिवारका सदस्यहरूलाई कष्ट दिन्छ।

द मिररका अनुसार यो विश्वास कम्बोडियाको हो। यहाँ शरद ऋतुमा एउटा चाड लाग्ने गर्छ जसलाई पचुम बेन पर्व भनिन्छ । यो पर्व प्रत्येक वर्ष सेप्टेम्बर र अक्टोबरको बीचमा खमेर चन्द्र पात्रोको १० औं महिनामा १५ दिनको लागि हुन्छ। यस पर्वमा १५ दिनसम्म नरकका द्वार खोलेर भोकाएको दुष्ट आत्मा र भूत बाहिर निस्कने जनविश्वास रहेको छ । यसपछि उनीहरुलाई खुवाएर शान्त गराइन्छ ।

द मिररका अनुसार यस पर्वमा चार प्रकारका आत्मा वा भूत हुन्छन् । अस्थायी रूपमा मुक्त भएका भूतहरूले रगत र पिप मात्र खान्छन्। भूतहरूलाई खाना खुवाएमा वरदान दिन्छन् र नर्कमा फर्किन्छन्।

यस समयमा भोकाएको आत्मा बाहिर निस्कने र खाना खुवाउनु पर्ने जनविश्वास रहेको छ । यो पर्वलाई खमेर पर्व पनि भनिन्छ। यस समयमा भूतहरू राम्रा खानाको खोजीमा मन्दिर, चिहान र आफन्तको घरमा घुम्छन्। राम्रो खानेकुरा नपाएमा उनीहरुलाई दुव्र्यवहार गर्छन् ।

पुरातन चलन अनुसार दक्षिणपूर्वी एसियाली देश कम्बोडियामा यो विश्वास निकै उच्च मानिन्छ। यसमा परिवारले आफ्ना अन्तिम सात पुर्खाहरूलाई खुवाउँछन्। यो पर्व सुरु हुनुभन्दा अघिल्लो दिन परिवारका सदस्यहरू बिहान सबेरै उठेर सूर्योदयअघि खाना तयार पार्छन्। भनिन्छ भूतलाई उज्यालो मन पर्दैन । यदि थोरै घामको किरण पनि देखिन्छ भने, खाना स्वीकार गर्दैन।

कम्बोडियाको राजधानी नोम पेन्हका भिक्षु ओम साम ओलका अनुसार, “केही मरेका मानिसहरूले आफ्नो पापको सजाय पाएर नरकमा जान्छन् भन्ने विश्वास गरिन्छ। उनीहरूले त्यहाँ धेरै पीडा भोग्छन् र त्यहाँ धेरै यातनाहरू पनि हुन्छन्। नर्कका आत्माहरूले सूर्य देख्न सक्दैनन्। उनीहरूसँग लगाउनको लागि लुगा छैन, खानलाई खाना छैन। फाचुम बेन त्यो समय हो जब ती आत्माहरूले आफ्ना जीवित आफन्तहरूबाट खाना लिन्छन् र आफन्तहरूले खाना दिएर केही राहत पाउँछन्।

ओम साम ओल थप बताउँछन्, “आफ्नो मृत आफन्त स्वर्ग वा नर्कमा छ कि छैन भनेर थाहा पाउन कुनै उपाय छैन। त्यसैले कम्बोडियालीहरूले आफ्ना पुर्खाहरूबाट गुज्रिरहेको पीडालाई कम गर्नका लागि खाना खुवाउने गर्छन्।” यो पर्व अङ्कोरियन कालदेखि मनाइँदै आएको छ जुन ९ औं शताब्दी ईस्वी भन्दा पहिलेको समय हो ।