काठमाडौं । दुबईको बुर्ज खलिफा नजिकैको एउटा बहुतले भवनमा सोमबार आगलागी भएको छ । यस घटनामा हालसम्म कुनै हताहतीको खबर आएको छैन । यद्यपी भवनमा आगलागी हुँदा कोही घाइते भए नभएको खुल्न सकेको छैन । वास्तवमा आगो समयमै नियन्त्रणमा आएको थियो ।

भवनमा आगलागी भएको भिडियो सामाजिक सञ्जालमा भाइरल भइरहेको छ, जसमा भवनबाट धुवाँ निस्किएको देख्न सकिन्छ ।आगलागी विकासकर्ता ‘एमार’को ‘८ बुलेभार्ड वाक’ नामक टावरको श्रृङ्खलाको भवनमा भएको थियो ।

In #Dubai, the #Emaar skyscraper caught fire near the #BurjKhalifa, the tallest building in the world.

At the moment the fire was extinguished, there is no information about victims. pic.twitter.com/QtPmRBHSTq

— NEXTA (@nexta_tv) November 7, 2022

रिपोर्टका अनुसार यो आगो भवनको तल्लो अपार्टमेन्टबाट सुरु भयो र तुरुन्तै पूरै भवनमा फैलियो। आगलागी हुनासाथ दमकल सहितको आकस्मिक सेवा घटनास्थलमा पुगेर आगो छिट्टै नियन्त्रणमा लिइएको थियो ।

आगलागीको कारण अझै खुल्न सकेको छैन । तर प्रशासनले समयमै दमकललाई खबर गरेकाले धेरै क्षतिको अनुमान गरिएको छैन । कुनै हताहतीको खबर छैन।