काठमाडौं । अमेरिकी रक्षा मन्त्रालयले दुई देशका रक्षामन्त्री लोयड अस्टिन र जनरल वेई फेङ्गेबीचको वार्ताको प्रस्तावलाई चीनले अस्वीकार गरेको जनाएको छ ।

मंगलबार अमेरिकी रक्षा मन्त्रालयका प्रवक्ता प्याट राइडरले भने कि शनिबार रक्षा मन्त्रालयले चिनियाँ बेलुन खसालेको थियो, त्यसपछि रक्षा मन्त्रालयले फोनमा चीनलाई दुई देशका रक्षामन्त्रीबीच वार्ता गर्न अनुरोध गरेको थियो।

“सम्बन्धमा उत्तरदायित्व देखाउन र दुईबीच सञ्चारका माध्यमहरू खुला राख्न आवश्यक छ भन्ने हामीलाई लाग्छ। यस्तो अवस्थामा दुई देशबीच वार्ताको ढोका खुला रहनुपर्छ ।”

यसअघि शनिबार फाइटर जेटको सहयोगमा अमेरिकाले अमेरिकामा देखिएको चिनियाँ बेलुन खसालेको थियो ।

यस मामिलामा चीनले यो बेलुन मौसमको जानकारीका लागि छोडेको र गल्तीले अमेरिकी वायुक्षेत्रमा प्रवेश गरेको बताएको थियो । चीनको विदेश मन्त्रालयका प्रवक्ताले यसप्रति दुःख व्यक्त गरेका छन् ।

यसपछि अमेरिकी विदेशमन्त्री एन्टोनी ब्लिन्केनले पनि आफ्नो चीन भ्रमण रद्द गरेका थिए ।

बेलुन खसाल्ने अमेरिकाको कदमको चीनले कडा विरोध गर्दै अमेरिकाले बल प्रयोग गरेको बताएको थियो। चीनले अमेरिकाले मामिला बढाएर परिस्थितिलाई थप जटिल बनाउन नहुने बताएको छ ।