काठमाडौं । प्राविधिक कम्पनी याहूले आमूल परिवर्तन योजनाअन्तर्गत आफ्नो कुल कर्मचारीको २० प्रतिशतभन्दा बढीलाई हटाउने भएको छ । कम्पनीमा ८६०० जनाले काम गर्छन्।

याहूले आफ्नो विज्ञापन इकाईलाई पुनर्गठन गर्दैछ र यसको कारणले गर्दा वर्षको अन्त्यसम्ममा यस विभागका आधाभन्दा बढी मानिसहरूले आफ्नो जागिर गुमाउनेछन्।

कम्पनीको पुनर्संरचनाको काम सुरु भइसकेको र यो साताको अन्त्यसम्ममा करिब एक हजार कर्मचारी जागिर कटौतीबाट प्रभावित भएका छन् ।

याहूको यो घोषणा मागको अभाव, उच्च मुद्रास्फीति र बढ्दो ब्याजदरसँग संघर्ष गरिरहेका कम्पनीहरूबीचको पछिल्लो घोषणा हो।

कम्पनीका एक प्रवक्ताले बीबीसीलाई भने: “यी निर्णयहरू कहिल्यै सजिलो हुँदैनन्, तर हामी विश्वास गर्छौं कि दीर्घकालीन रूपमा यी परिवर्तनहरूले हाम्रो विज्ञापन व्यवसायलाई बलियो बनाउनेछ र याहूलाई आफ्ना ग्राहक र साझेदारहरूलाई अझ राम्रो मूल्य प्रदान गर्न सक्षम बनाउनेछ।”

निजी इक्विटी फर्म अपोलो ग्लोबल म्यानेजमेन्टले सन् २०२१ मा याहूलाई पाँच अर्ब डलरमा किनेको थियो।