काठमाडौं । बक्स अफिसमा सुरुआती कमाई गरेपछि शाहरुख खानको फिल्म ‘पठान’को कमाईको गति केही सुस्त भएको छ । रिलिजको तेस्रो साताको अन्त्यमा फिल्मले एक हजार करोडको आँकडा पार गर्ने विश्वास गरिएको थियो ।

तर त्यो हुन सकेन र अहिले फिल्मले एक हजार करोडको आँकडा छुन केही समय लाग्ने अवस्था छ । यशराज फिल्म्सले सोमबार दिउँसो ‘पठान’को कमाईको तथ्यांक सार्वजनिक गरेको हो ।

यशराज फिल्म्सका अनुसार फिल्म ‘पठान’ ले विश्वभर करिब ९४६ करोड कमाएको छ । यो आम्दानी जनवरी १२, आइतबारसम्म हो। ‘पठान’ ले भारतमा करिब ५८८ करोड र विदेशमा करिब ३५८ करोड कमाएको छ ।

यशराज फिल्म्सले यो भारतीय इतिहासमा सबैभन्दा छिटो यति धेरै कमाउने फिल्म भएको दाबी गरेको छ । आइएमडिबी वेबसाइटका अनुसार ‘पठान’ सबैभन्दा धेरै कमाउने पाँच भारतीय फिल्महरूको सूचीमा परेको छ।

सबैभन्दा धेरै कमाउने ५ भारतीय चलचित्रहरू

१. दंगल
रिलीज वर्ष: २०१६
आय: १९२४ करोड

२. बाहुबली-२
रिलीज वर्ष: २०१७
कमाई: १७४९ करोड

३. केजीएफ-२
रिलीज वर्ष: २०२२
कमाई: १२०७ करोड

४. आरआरआर
रिलीज वर्ष: २०२२
कमाई: ११९० करोड

५. पठान
रिलीज वर्ष: 2023
आम्दानी: ९३७ करोड (१९ दिनको कमाई)