काठमाडौं । पाकिस्तानको आतंकवाद विरोधी अदालतले बुधबार निर्वाचन आयोगसँग सम्बन्धित मुद्दामा पूर्व प्रधानमन्त्री इमरान खानको जमानत खारेज गरेको छ।

निर्वाचन आयोगको कार्यालय बाहिर विरोध प्रदर्शन गरेको भन्दै इमरान खानविरुद्ध मुद्दा दायर भएको थियो । तर सुनुवाईमा हाजिर नभएपछि उनको जमानत निवेदन खारेज भएको थियो ।

अदालतको यो फैसलापछि उनलाई पक्राउ पनि गर्न सकिन्छ । समाचार एजेन्सी पीटीआईका अनुसार इमरानको पार्टी तेहरिक-ए-इन्साफले गत वर्ष निर्वाचन आयोगले अयोग्य घोषित गरेपछि निर्वाचन आयोगको कार्यालय अगाडि प्रदर्शन गरेको थियो।

त्यसपछि प्रहरीले पूर्वप्रधानमन्त्रीविरुद्ध आतंकवाद निवारण ऐनअन्तर्गत मुद्दा दर्ता गरेको थियो । तर उनले अन्तरिम जमानत पाए ।

बुधबार निर्वाचन आयोगसँग सम्बन्धित मुद्दाको सुनुवाइका क्रममा आतंकवाद विरोधी अदालतका न्यायाधीश राजा जवाद अब्बासले इमरान खानलाई अदालतमा उपस्थित हुन पर्याप्त समय दिइएको बताए ।

इमरान खानका वकिलले बाबर अवानले गोली लागेपछि इमरान खान अझै निको नभएकाले एकपटक छुट दिनुपर्ने बताएका छन् ।

तर अदालतले इमरान खानजस्ता ‘शक्तिशाली व्यक्ति’लाई छुट दिन नसक्ने भन्दै उनको अपीललाई खारेज गर्‍यो, जुन आम मानिसलाई दिइँदैन।