काठमाडौं । वेब सिरिज ‘मिर्जापुर’ र शाहरुख खानको फिल्म ‘रईस’ मा काम गरेका अभिनेता शाहनवाज प्रधानको निधन भएको छ । समाचार एजेन्सी पीटीआईको रिपोर्टका अनुसार यसबारे जानकारी दिँदै अभिनेता यशपाल शर्माले हृदयघातका कारण मृत्यु भएको बताएका छन् ।

शाहनवाज प्रधानले शुक्रबार साँझ एक अवार्ड समारोहमा छाती दुखेको गुनासो गरेपछि उनलाई कोकिलाबेन धिरुभाई अम्बानी अस्पतालमा भर्ना गरिएको थियो तर डाक्टरहरूले उनलाई बचाउन सकेनन्। उक्त कार्यक्रममा अभिनेता यशपाल शर्मा पनि उपस्थित थिए । उनले यो घटनाको जानकारी दिँदै इन्स्टाग्राममा पोस्ट गरेका छन् ।

उनले लेखेका छन्, “आज मुम्बईमा भएको यो कार्यक्रममा सहभागी भएँ। सबै ठीकठाक चलिरहेको थियो। रिज डाइम ड्यारेल जीका सयौं कलाकारहरू उपस्थित थिए तर बीचमा, अवार्ड पाएको केही समयपछि हाम्रा मनपर्ने कलाकार शाहनवाजलाई हृदयाघात भयो।”

“सबै कार्यक्रम रोकियो, सबैजना र डाक्टरको सहयोगमा उसलाई छिट्टै उठाएर नजिकैको कोकिला बेन अस्पताल लगियो, तर कसैले बचाउन सकेन, उनी छाडेर गए। यो हाम्रो जीवनको तितो सत्य हो।”