काठमाडौं । हैदरावादबाट चेन्नईका लागि उडेको विमानमा बम रहेको सूचना पाएपछि आकस्मिक अवतरण गरिएको छ । विमानलाई लखनउको चौधरी चरण सिंह विमानस्थलमा आपतकालीन अवतरण गरिएको छ ।

उडानमा बम राखेको जानकारी पाएलगत्तै विमानमा बम राखेको विषयमा हतारमा अनुसन्धान थालिएको हो । बम डिस्पोजल टोलीले उडानमा कुनै बम नभेटिएको बताएको छ भने बमबारे जानकारी दिने व्यक्तिलाई प्रहरीले हैदराबादबाट पक्राउ गरेको छ ।