काठमाडौं । भारत र अमेरिका सेमिकन्डक्टर उत्पादनको सन्दर्भमा नजिक आउँदैछन्। ‘टाइम्स अफ इन्डिया’को समाचारमा शुक्रबार अमेरिकाले आफ्नो ‘विश्वासिलो साझेदार’ भारतसँग अन्तर्राष्ट्रिय बजारमा आपूर्ति गर्नका लागि नजिकबाट काम गर्ने संकेत गरेको बताइएको छ।

अमेरिका र भारतले विद्युतीय सामानको संयुक्त उत्पादनतर्फ अघि बढ्दै अर्धचालक उत्पादन र आपूर्तिका लागि सम्झौतामा हस्ताक्षर गरेका छन् । यसले भारतलाई यहाँ सेमीकन्डक्टर उत्पादनका लागि अन्तर्राष्ट्रिय कम्पनीहरूबाट लगानी आकर्षित गर्न मद्दत गर्नेछ।

सेमीकन्डक्टरहरूले मोवाइलदेखि कारको निर्माणमा महत्त्वपूर्ण भूमिका खेल्छन्। अखबारले लेखेको छ कि यो सम्झौता अमेरिकाको बाइडेन सरकारको संकेतको बीचमा आएको हो, जसमा सेमिकन्डक्टरमा चिनियाँ सेनाको पहुँच सीमित गर्ने भनिएको छ।

शुक्रबार अमेरिकी वाणिज्य सचिव जीना रायमन्डो र भारतीय विदेशमन्त्री पियुष गोयलले भारत र अमेरिकाले सिक्सजी सहितको अर्को पुस्ताको दूरसञ्चार प्रविधिमा मिलेर काम गर्ने बताएका छन्।

उक्त बैठकमा भारतमा विकसित फाइभजी प्रविधिको परीक्षण अमेरिकामा गरिने संकेत गरिएको थियो ।

यस बैठकका अलावा अमेरिकी वाणिज्यमन्त्रीले भारतका विदेशमन्त्री एस जयशंकरसँग पनि भेट गरेका थिए । दुवै देशबीच निर्यात नियन्त्रणको समस्या अन्त्य गर्ने, उच्च प्रविधि वाणिज्य बढाउने र दुई देशबीच प्रविधि हस्तान्तरणलाई प्रवद्र्धन गर्न ‘रणनीतिक संवाद’ सुरु गर्ने विषयमा कुराकानी भएको थियो ।

अखबारले लेखेको छ कि राईमन्डोले पनि प्रधानमन्त्री मोदीलाई भेटेका छन्। तर, यो भेट पूर्व व्यवस्था गरिएको थिएन। यसमा चीनको विस्तारवादी नीति र रुस–युक्रेन युद्धको असरप्रति चिन्ता व्यक्त गरिएको थियो । यससँगै आपूर्ति शृङ्खलाका विषयमा पनि दुवैबीच छलफल भएको थियो ।

अमेरिकी वाणिज्यमन्त्रीको यो भ्रमणमा सेमिकण्डक्टरमा मात्रै केन्द्रित हुने कुरा भएको थियो । तर, वाणिज्यमन्त्रीले अन्य विद्युतीय वस्तुको आपूर्ति बढाउने पूर्ण सम्भावना रहेको बताए । यस सम्बन्धमा उनले राष्ट्रिय सुरक्षा सल्लाहकारसँग पनि कुरा गरे, जसमा इलेक्ट्रोनिक सामानको लागि भरपर्दो आपूर्ति श्रृंखलाको कुरा भएको थियो।

अखबारले लेखेको छ कि यो स्पष्ट छ कि अमेरिकाले अब चिनियाँ दूरसञ्चार कम्पनी हुवावे र जेटीई जेडीटीई जस्ता कम्पनीहरूलाई विश्वास गर्न चाहँदैन।