काठमाडौं । उत्तर प्रदेशको सम्भल जिल्लामा सामान्य विषयलाई लिएर फरक फरक समुदायबीच झडप हुँदा ६ जना घाइते भएका छन् ।

समाचार एजेन्सी पीटीआईले सम्भल पुलिसलाई उद्धृत गर्दै भन्यो कि यो घटना शनिबार बहजोई जिल्लाको कमलपुर गाउँमा एउटा भैँसीलाई लट्ठीले कुटेको विषयमा भएको हो।

सम्भलका एसपी चक्रेश मिश्रले फरक फरक समुदायका मानिसबीच झडप भएको र एकअर्कामाथि लाठी र ढुंगा प्रहार गरेको बताए । यस मामिलामा २२ जनालाई हिरासतमा राखिएको उनले बताए ।

गाउँमा झगडा र ढुंगामुढा भएको जानकारी पाएलगत्तै प्रहरी त्यहाँ पुगेको प्रहरीले जनाएको छ । भैंसीलाई लौरोले हानेको विषयमा दुई समुदायका मानिसहरूबीच झडपसमेत भएको प्रहरीले त्यहाँ पाएको छ ।

झगडा गर्नेहरु मादक पदार्थ सेवन गरेको अवस्थामा रहेको प्रहरीले जनाएको छ ।

गाउँमा शान्ति सुरक्षा कायम गर्न प्रहरी तैनाथ गरिएको र कानून उल्लंघन गर्नेलाई कडा कारबाही गरिने एसपी चक्रेश मिश्रले बताए ।