काठमाडौं । अमेरिकाको सिलिकन भ्यालीका चर्चित व्यक्तित्व तथा प्रविधि कम्पनी इन्टेल कर्पोरेशनका सह-संस्थापक गोर्डन मूरको ९४ वर्षको उमेरमा निधन भएको छ ।

मूरले ५० को दशकमा अर्धचालकको क्षेत्रमा काम गर्न थालेका थिए । उनले आफ्नो लामो समयको साथी रोबर्ट नोइससँग १९६८ मा इन्टेलको सह-स्थापना गरे।

उनको एउटा भविष्यवाणी धेरै लोकप्रिय भयो, जुन ‘मूरको कानून’ को रूपमा लोकप्रिय भयो।

यो नियमअनुसार कम्प्युटरको प्रोसेसिङ पावर हरेक वर्ष दोब्बर हुनेछ । पछि संशोधन गर्दा यो समय घटाएर दुई वर्षमा पुर्याइयो ।

गोर्डन मूरको निधनमा इन्टेलले आफ्नो ट्विटर ह्यान्डलमा लेखेको छ, ‘आज हामीले एक दूरदर्शी गुमायौं । गोर्डन मूर, सबै कुराको लागि धन्यवाद।”

कम्पनीका वर्तमान सीईओ प्याट गेल्सिन्जरले भने कि उनले टेक्नोलोजी उद्योगलाई आफ्नो सोच र दूरदर्शिताले परिभाषित गरेको मात्र होइन, तर दशकौंसम्म वैज्ञानिक र उद्यमीहरूलाई पनि प्रेरित गरेका छन्।