काठमाडौं । चीनका उपविदेशमन्त्री सुन वेइडोङले दक्षिण कोरियाका राष्ट्रपतिले ताइवानबारे गरेको टिप्पणीप्रति उजुरी दर्ता गराएका छन् ।

चिनियाँ विदेश मन्त्रालयले आइतवार उप विदेशमन्त्री सुन वेइडोङले दक्षिण कोरियाली राजदूतलाई “गलत” टिप्पणीको लागि गुनासो गरेको बताएको छ।

वेइडोङले उनको अगाडि ‘सालम रिप्रेजेन्टेशन’ दिएका थिए । कूटनीतिक शब्दावलीमा ‘सालम रिप्रिजेन्टेशन’ भनेको औपचारिक रूपमा उजुरी दर्ता गर्नु हो।

दक्षिण कोरियाका राष्ट्रपति युन सुक येओलले समाचार एजेन्सी रोयटर्ससँगको एक विशेष अन्तर्वार्तामा ताइवानको वरिपरि बढेको तनावको कारण बल प्रयोग गरेर यथास्थिति परिवर्तन गर्ने प्रयास भएको बताए।

उनले आफू यस्तो परिवर्तनको विरुद्धमा रहेको बताए । दक्षिण कोरियाका राष्ट्रपतिले भने, ‘ताइवानको मुद्दा चीन र उसको बीचको मात्र होइन। उत्तर कोरिया जस्तै, यो एक अन्तर्राष्ट्रिय मुद्दा हो।’

यसपछि चिनियाँ उपविदेशमन्त्री सुन वेइडोङले दक्षिण कोरियाली राष्ट्रपतिको टिप्पणी ‘पूर्ण रूपमा स्वीकार्य’ नहुने बताए ।