काठमाडौं । संयुक्त राष्ट्रसंघका मानवअधिकार प्रमुख भोल्कर टर्कले गाजामा स्वास्थ्य सेवाको विनाश र अस्पतालहरूमा सामूहिक चिहान फेला परेकोले आफू गहिरो दुःखी भएको बताएका छन्।

इजरायली कब्जापछि गाजाको खान युनिस क्षेत्रको नासेर अस्पतालको आँगनमा फेला परेको सामूहिक चिहानमा दुई सयभन्दा बढी व्यक्तिको शव फेला परेको छ ।

रिपोर्टका अनुसार नासेर मेडिकल कम्प्लेक्समा भेटिएका केही शवको हात बाँधिएको थियो।

अस्पतालमा इजरायली घेराबन्दीको समयमा बनाइएको चिहानबाट मृत शरीरहरू खनेर निकालियो र सामूहिक चिहानमा गाडियो।

प्यालेस्टिनी समूहहरूले इजरायलले नासेर अस्पतालमा नरसंहार गरेको आरोप लगाएका छन्।

यी आरोपहरूमा, इजरायलले यी रिपोर्टहरू हेरिरहेको भनेको छ।

संयुक्त राष्ट्र मानव अधिकार प्रमुख भोल्कर टर्कले पनि गाजामा हालै इजरायली हवाई आक्रमणको आलोचना गरेका छन्।

यी हवाई हमलामा मारिएका अधिकांश महिला र बालबालिका रहेको टर्कले बताएका छन्।