काठमाडौं। गायिका शान्ति श्री परियारको स्वरमा नयाँ तीज गीत ‘बैँस जोवन उम्रो’ सार्वजनिक भएको छ।

डी आर सुजनको शब्द, संगीत र आशिष अविरलको एरेन्ज रहेको गीतमा जीवनमा दुःख सुख भनेको आइरहन्छ दुःखमा आत्तिने र सुखमा न मात्तिने नै जीवन यापनको सजिलो माध्यम हो भन्ने सन्देश दिन खोजिएको छ।

डी आर सुजन, अञ्जली अधिकारी र सरस्वती खत्रीको अभिनय रहेको गीतको भिडियोमा नवराज उप्रेतीको सिनेमाटोग्राफी, विकास ज्ञवालीको सम्पादन र काजिस श्रेष्ठको कोरियोग्राफी रहेको छ ।

भिडियोलाई डी आर सुजनले नै निर्देशन गरेका हुन् भने गीत डी आर सुजन कै अफिसियल युट्युब च्यानलबाट सार्वजनिक गरिएको हो।