पेरिस । फ्रान्सेली प्रधानमन्त्री फ्रान्कोइस बेरोउले नयाँ मन्त्रीमण्डल विस्तार गरेका छन् ।

दुई पूर्व प्रधानमन्त्रीहरू म्यानुअल भाल्स र एलिजाबेथ बोर्नलाई आफ्नो मन्त्रिपरिषदमा नियुक्त गरेर उनले मन्त्रिपरिषद विस्तार गरेका हुन् । सो क्रममा प्रधानमन्त्री बेरोउले नयाँ सरकारको आकार घटाएर १४ सदस्य रहने गरी मन्त्रालय बनाएका छन्।

फ्रान्सका समाचार संस्थाका अनुसार पुर्व प्रधानमन्त्रीद्धय मध्ये भल्सले विदेश क्षेत्र मन्त्रालयको नेतृत्व गर्नेछन् भने बोर्नले राष्ट्रिय शिक्षा, उच्च शिक्षा र अनुसन्धान मन्त्रालयको नेतृत्व गर्नेछन्। मिशेल बार्नियरको नेतृत्वमा अघिल्लो प्रशासनका तीन मन्त्रीहरूले आफ्नो पद कायम राख्नेछन्, जसमा ब्रुनो रिटेललेउ आन्तरिक मन्त्री, सेबास्टियन लेकोर्नु रक्षा मन्त्रालय र जीन नोएल ब्यारोट युरोप र विदेश मन्त्रीको रूपमा छन्।

यसअघिको बार्नियरको सरकारमा रहेका ४ महिला मन्त्री पनि मन्त्रिपरिषद्मा सामेल भएकी छन्। रचिदा दातीले संस्कृति मन्त्रालयको रेखदेख गर्नेछिन् भने क्याथरिन वाउट्रिनले गृह, स्वास्थ्य, एकता र परिवार मन्त्रीको जिम्मेवारी सम्हाल्नेछिन्। एग्निर पेरियसले संक्रमण, जैविक विविधता, वन, समुद्री र मत्स्य पालन मन्त्रालयको प्रभारी रहन्छ। एनी जेनेभार्डलाई कृषि र खाद्य सम्प्रभुता मन्त्री नियुक्त गरिएको छ।

२०२५ को बजेट काम गर्नका लागि बार्नियरले अर्थव्यवस्था, वित्त र औद्योगिक र डिजिटल सार्वभौमिकता को नयाँ मन्त्रीको रूपमा एरिक लोम्बार्ड चयन गरे।

घोषणा पछि बायरोले आफ्नो सामाजिक सञ्जाल एक्स खातामा पोस्टमा ‘सबै फ्रान्सेली जनतासँग मेलमिलाप र विश्वास नवीकरण गर्ने अनुभवको सामूहिकता’ भनेर वर्णन गर्दै नवगठित क्याबिनेटमा गर्व व्यक्त गरेका छन् ।

फ्रान्सेली राष्ट्रपति इमानुएल म्याक्रोनले डिसेम्बर १३ मा बेरोउलाई प्रधानमन्त्री नियुक्त गरेका थिए । डिसेम्बर ३ मा अविश्वासको मतदानमा बार्नियर पदमुक्त भए पछि उनले नयाँ नियुक्ति गरेका हुन । नयाँ सरकारअन्तर्गतको पहिलो मन्त्रिपरिषद् आगामी जनवरी ३, २०२५ मा बस्ने भएको छ ।