काठमाडौं । इरान र इजरायलबीच युद्धविराम भए पनि दुई देशबीचको शत्रुताको आगो अलिकति पनि शान्त भएको छैन। इजरायलले अब इरानको केन्द्रीय बैंकलाई आतंकवादी संगठन घोषणा गरेको छ।

इजरायलले इरानको केन्द्रीय बैंकले आतंकवादी गतिविधिहरूलाई आर्थिक सहयोग गरिरहेको आरोप लगाएको छ। इजरायल र इरानबीचको १२ दिनको युद्धपछि यो एउटा महत्त्वपूर्ण घटना हो।

इजरायली रक्षामन्त्री इजरायल काट्जले ट्वीट गर्दै भनेका छन्, “आज, मोसाद र राष्ट्रिय आर्थिक युद्ध मुख्यालयको अनुरोधमा मैले इरानको केन्द्रीय बैंकलाई आतंकवादी संगठन घोषणा गर्ने विशेष आदेशमा हस्ताक्षर गरेको छु, जसको उद्देश्य इरानी आतंकवादी शासनको वित्तपोषण प्रणालीको मूलमा प्रहार गर्नु हो।”

इजरायल काट्जले भनेका छन् “इरानको केन्द्रीय बैंक एक माध्यम हो जसले घातक आतंकवादको लागि अर्बौं डलर लगानी गर्दछ। हामी ती ठाउँहरूमा आक्रमण गर्नेछौं जसले अयातोल्लाह शासनलाई सबैभन्दा बढी क्षति पुर्‍याउँछ।” उनले भने ‘यो बैंकले हिजबुल्लाह, हुथी, इराकमा शिया मिलिशिया, हमास र रिभोलुसनरी गार्ड्स लाई आतंकवाद मार्फत रकम प्रदान गर्दछ।’