काठमाडौं । आन्ध्र प्रदेशतर्फ चक्रवाती आँधी ‘अर्नब’ तीव्र गतिमा अगाडि बढेसँगै छिमेकी राज्य ओडिसाका विभिन्न भागमा तीव्र हावाहुरीसहित भारी वर्षा भइरहेको छ।

भारतीय मौसम विज्ञान विभागले ओडिसाका छ वटा जिल्लाहरू— पुरी, गजपति, गञ्जाम, रायगढा, कोरापुट र मलकानगिरिका लागि ‘ओरेन्ज अलर्ट’ जारी गरेको छ।

यी जिल्लाहरूमा १२ देखि २० सेन्टिमिटरसम्म भारीदेखि अति भारी वर्षा हुने अनुमान गरिएको छ।

यसैगरी, बालासोर, भद्रक, जजपुर, केन्द्रपाडा, कटक, केओन्झर, मयुरभञ्ज, कन्धामाल, कालाहान्डी, नबरङ्गपुर, खुर्दा, नयाँगढ, जगत्सिंहापुर, नुवापाडा, बलाङ्गिर र बौध जिल्लाहरूका लागि ‘येलो अलर्ट’ जारी गरिएको छ।

यसका साथै, चक्रवात अर्नबको प्रभावका कारण झारखण्डका केही क्षेत्रहरूमा तीन दिनसम्म भारी वर्षा हुनसक्ने सम्भावना छ। यस परिस्थितिलाई दृष्टिगत गर्दै राज्य सरकारले सबै जिल्ला प्रशासनहरूलाई उच्च सतर्कता अपनाउन निर्देशन दिएको अधिकारीहरूले बताएका छन्।

भारत मौसम विज्ञान विभागले अक्टोबर २८ बिहान साढे आठ बजेदेखि आगामी २४ घण्टाका लागि राँची, खुन्टी, सिम्डेगा, गुम्ला, लोहरदगा, सराइकेला-खरसावान् तथा पूर्वी र पश्चिमी सिंहभूम जिल्लाहरूमा भारी वर्षाको ‘येलो अलर्ट’ जारी गरेको छ।