काठमाडौं । अमेरिकी राष्ट्रपति डोनाल्ड ट्रम्पले अमेरिकी आक्रमणले इरानको आणविक कार्यक्रमलाई दशकौं पछाडि धकेलेको बताएका छन्।

डोनाल्ड ट्रम्पलाई सोधिएको थियो ‘अमेरिकी आक्रमणले इरानको आणविक कार्यक्रमलाई कति क्षति पुर्‍याएको छ?’

जसको जवाफमा डोनाल्ड ट्रम्पले भने, “मलाई लाग्छ यो दशकौं पछाडि धकेलिएको छ। उनीहरूले यो सहेका छन् र धेरै कुराहरू भोगेका छन्। अब उनीहरूलाई चाहिने अन्तिम कुरा भनेको समृद्धि हो। त्यो आक्रमणले युद्ध समाप्त गर्यो।”

ट्रम्पले इरान र इजरायलबीचको जारी द्वन्द्वलाई “स्कूलको आँगनमा दुई बालबालिका झगडा गरे जस्तै” भनेर वर्णन गरे।

उनले भने, “उनीहरूलाई केही समय लड्न देऊ, त्यसपछि तिनीहरूलाई रोक्न सजिलो हुनेछ।”

इजरायल र इरानबीचको द्वन्द्वलाई ध्यानमा राख्दै ट्रम्पले रुसी राष्ट्रपति भ्लादिमिर पुटिनसँग पनि कुरा गरेको बताएका छन्।

ट्रम्पले भने, “मैले उनलाई (पुटिन) इरानलाई होइन, हामीलाई मद्दत गर्न भनेको थिएँ।”