काठमाडौं । काठमाडौं महानगरपालिका–१६ बालाजुस्थित जेब्रा झोला फ्याक्ट्रीमा आइतबार दिउँसो आगलागी भएको छ।

दिउँसो करिब २:३० बजे सुरु भएको आगो नेपाली सेनाको पुरानो गोरख गण, सशस्त्र प्रहरी बल, महानगरीय प्रहरी, काठमाडौं महानगरपालिका र स्थानीयवासीको सक्रिय सहयोगमा नियन्त्रणमा लिइएको छ।

आगो नियन्त्रणका लागि काठमाडौं महानगरपालिका, सशस्त्र प्रहरी र अन्य निकायका दमकल परिचालन गरिएका थिए।

आगोको कारण फ्याक्ट्रीमा ठूलो मात्रामा क्षति भएको अनुमान गरिएको छ। आगलागीको कारणबारे अनुसन्धान थालिएको प्रहरीले जनाएको छ।