काठमाडौं । अमेरिकी राष्ट्रपति डोनाल्ड ट्रम्पले केही टिभी नेटवर्कहरूको लाइसेन्स “खोसिनुपर्ने” सुझाव दिएका छन्।

डिज्नीको स्वामित्वमा रहेको नेटवर्क एबीसीले बुधबार साँझ हास्य कलाकारलाई “अनिश्चितकालका लागि” कार्यक्रमबाट हटाइएको घोषणा गर्‍यो।

रूढिवादी कार्यकर्ता चार्ली कर्कको हत्यामा जिमी किमेलको टिप्पणीमाथि गत हप्ता भएको विवादपछि यो कदम चालिएको हो।

सोमबार, किमेलले चार्ली कर्कको हत्या प्रकरणका संदिग्ध व्यक्ति “मागा रिपब्लिकन” भएको बताए, जबकि युटाका अधिकारीहरूले आरोपित बन्दुकधारी “वामपन्थी विचारधाराबाट प्रभावित” भएको बताए।

संघीय सञ्चार आयोग (एफसीसी) ले उनको टिप्पणीमाथि कारबाहीको धम्की दियो, जसले गर्दा एबीसीले जिमी किमेल लाइभ! प्रसारण बन्द गर्यो।

बेलायत भ्रमणबाट फर्कने क्रममा ट्रम्पले बिहीबार एयर फोर्स वानमा पत्रकारहरूसँग कुरा गरे।

यस क्रममा उनले भने , “मैले कतै पढेको थिएँ कि ९७ प्रतिशत नेटवर्क कभरेज मेरो विरुद्धमा थियो, तैपनि मैले चुनाव जितें र सजिलै जितें, सबै सात स्विङ राज्यहरू जितेर।”

“उनीहरूले मलाई नकारात्मक प्रचार मात्र गर्छन्। मेरो मतलब, उनीहरूसँग लाइसेन्स छ। मलाई लाग्छ सायद उनीहरूको लाइसेन्स खोस्नुपर्छ,” ट्रम्पले भने।