काठमाडौं । अष्ट्रेलियाको सिड्नीको बोन्डी बीचमा आक्रमण गर्ने बन्दुकधारीहरूको बारेमा प्रहरीले नयाँ जानकारी साझा गरेको छ।

प्रहरी आयुक्त मेल लान्योनले दुवै बन्दुकधारीले हालै फिलिपिन्सको भ्रमण गरेको बताए।

उनले भने, “उनीहरू त्यहाँ किन गए, त्यहाँ जानुको उद्देश्य के थियो र त्यहाँ बस्दा कहाँ गए ? यसबारे अहिले अनुसन्धान भइरहेको छ।”

यसअघि एबीसी न्यूजले सुरक्षा स्रोतहरूलाई उद्धृत गर्दै दाबी गरेको थियो – दुवै बन्दुकधारीहरू आक्रमण हुनुभन्दा एक महिना अघि “सैन्य जस्तो तालिम” लिन फिलिपिन्स गएका थिए।

स्थानीय मिडियामा आक्रमणकारीहरूको पहिचान साजिद र नवीद अकरमको रूपमा भइरहेको छ।