काठमाडौं । विश्व फुटबल स्टार लियोनेल मेस्सीले भारत भ्रमणको क्रममा अनन्त अम्बानीको वन्यजन्तु उद्धार तथा संरक्षण केन्द्र, वनताराको भ्रमण गरेका छन् ।

कार्यक्रमका तस्बिरहरू बुधबार सार्वजनिक गरिएको छ। मेस्सीले अनन्त अम्बानी र उनकी श्रीमती राधिकासँग आरती गरे र देवताको मूर्ति अगाडि झुके।

मेस्सीले दुई वर्षअघि बिरामी अवस्थामा उद्धार गरिएकी हात्ती प्रतिमाको छावा मणिकलालसँग हात्ती हेरचाह केन्द्रमा फुटबल खेले।

अनन्त अम्बानी र राधिका अम्बानीले यस अवसरमा एउटा सिंहको बच्चाको नाम लियोनेल पनि राखे। उनका क्लबका फुटबल खेलाडीहरू लुइस सुआरेज र रोड्रिगो डे पल पनि मेस्सीसँगै उपस्थित थिए।