काठमाडौं । बंगलादेशी विद्यार्थी नेता शरीफ उस्मान हादीको मृत्युपछि राजधानी ढाकाका धेरै क्षेत्रमा हिंसा भड्कियो र स्थिति तनावपूर्ण बन्यो।

बीबीसी बंगलाका अनुसार उनको मृत्युको खबरले ढाकाका धनमन्डी र शाहबाग लगायत धेरै ठाउँमा विरोध प्रदर्शन, तोडफोड र आगजनी भएको छ।

बंगलादेशको अन्तरिम सरकारका प्रमुख सल्लाहकार मुहम्मद युनुसले बिहीबार राति ११:२० बजे राष्ट्रका नाममा सम्बोधन गर्दै जनतालाई धैर्य गर्न अपिल गरे।

गत शुक्रबार, ढाकाको एक मस्जिदबाट बाहिर निस्कने क्रममा हादीलाई गोली लागेको थियो। गोली उनको टाउकोमा लागेर गम्भीर घाइते भएका थिए।

बिहीबार रातिभरि, भीडले ढाकाका धेरै स्थानहरूमा आक्रमण गरे, जसमा दुई प्रमुख बंगलादेशी पत्रिकाहरूको कार्यालय पनि समावेश छ।