काठमाडौं । चीनले ताइवान वरिपरि सैन्य अभ्यास सुरु गरेको छ, जसमा नाकाबन्दी जस्तो अवस्थाको अभ्यास भइरहेको छ।

चीनले यी अभ्यासहरू ‘पृथकतावादी शक्तिहरू’ लाई चेतावनी दिनको लागि भएको बताएको छ।

चिनियाँ सेनाका अनुसार यी अभ्यासहरूका लागि सेना, नौसेना, वायुसेना र रकेट फोर्स तैनाथ गरिएको छ जसमा प्रत्यक्ष अग्नि अभ्यास पनि समावेश छ।

यी सैन्य अभ्यासहरूलाई ‘न्याय मिसन २०२५’ नाम दिइएको छ।

अमेरिकाले ताइवानलाई ११ अर्ब डलरको हतियार प्याकेज बेच्ने घोषणा गरेको केही दिनपछि नै यी अभ्यासहरू भइरहेका छन्।

चीनले अमेरिकाको यो निर्णयको कडा विरोध गरेको थियो र प्रतिक्रियामा अमेरिकी रक्षा कम्पनीहरूमाथि प्रतिबन्ध लगाएको थियो।

यस वर्ष ताइवानले आफ्नो रक्षा तयारीलाई अझ बलियो बनाउने प्रयास गरेकोमा चीन पनि रिसाएको छ।

चीनले ताइवानलाई आफ्नो हिस्सा मान्छ भने अर्कोतर्फ ताइवानले आफूलाई एक स्वतन्त्र देश मान्दछ।