काठमाडौं। असोज ३ गते अर्थात आउँदो शुक्रबारबाट प्रदर्शनमा आउने तयारीमा रहेको चलचित्र ‘कबड्डी कबड्ड कबड्डी’मा समावेश ‘माया पिरती’ बोलको गीत सार्वजनिक गरिएको छ।

अहिलेका लोकप्रिय गायक तथा संगीतकार कालीप्रसाद बाँस्कोटाको शब्द, संगीत र स्वर रहेको गीतको भिडियोमा चलचित्रका मुख्य कलाकार अभिनेता दयाहाङ राई र अभिनेत्री उपासना सिंह ठकुरी फिचर्ड छन्।

राम बाबु गुरुङ निर्देशित चलचित्रमा दयाहाङ र उपासनाका साथमा कर्मा शाक्य, विल्सन बिक्रम राई, बुद्धि तामाङ, माओत्से गुरुङ, विजय बराल, रिश्मा गुरुङ, कमलमणी नेपाल, अरुणा कार्की, पुश्कर गुरुङ, कविता आले लगायतका कलाकारहरुको अभिनय छ।