काठमाडौं। वाल स्ट्रिट जर्नलको एक रिपोर्ट अनुसार अमेरिकी राष्ट्रपति डोनाल्ड ट्रम्पले आफ्ना सहयोगीहरूलाई आफूले युद्ध रोक्ने बताएका छन्। उनले भनेका छन्- यदि हर्मुजको जलडमरू धेरै हदसम्म बन्द रहे पनि उनी इरान विरुद्धको सैन्य अभियान समाप्त गर्न तयार छन्।

उक्त पत्रिकाले प्रशासनका अधिकारीहरूलाई उद्धृत गर्दै भनेको छ- राष्ट्रपति ट्रम्प र उनका सहयोगीहरूले यो महत्त्वपूर्ण समुद्री मार्ग जबरजस्ती खोल्ने मिसनले उनीहरूको निर्धारित समयसीमाभन्दा चार देखि छ हप्ताभन्दा बढी समय लडाई लम्ब्याउने आँकलन गरेका छन्।

रिपोर्टका अनुसार इरानको नौसेना र क्षेप्यास्त्र भण्डारमा गम्भीर क्षति पुर्‍याएपछि, अमेरिकाले अब व्यापारको प्रवाह पुनः सुरु गर्न इरानमाथि कूटनीतिक दबाब कायम राख्नेछ। बीबीसीले टिप्पणीको लागि ह्वाइट हाउसलाई सम्पर्क गरेको तर जवाफ नपाएको बताएको छ।