काठमाडौं । राष्ट्रिय योजना आयोगमा सरकारले ६ सदस्य नियुक्त गरेको छ।

आयोगको सदस्यमा अर्जुनजंग थापा, प्रा. डा. सञ्जय आचार्य, डा. देवेन्द्र गौचन, रेशु अर्याल, प्रा. डा. सुदन झा र डा. पुकार मल्ल नियुक्त भएका छन्।

थापा भौतिक मन्त्रालयका पूर्वसचिव हुन्। प्रा. डा. आचार्य त्रिभुवन विश्वविद्यालयका अर्थशास्त्रका प्राध्यापक हुन्।

डा. गौचन ‘इन्स्टिच्युट फर इन्टिग्रेटेड डेभलपमेन्ट स्टडिज’ (आईआईडीएस)का सिनियर फेलो हुन् भने अर्याल शिक्षाविद् हुन्।

प्रा. डा. झा काठमाडौं विश्वविद्यालयका कम्प्युटर साइन्स एन्ड इन्जिनियरिङका प्राध्यापक हुन् भने डा. मल्ल गभर्नेन्स ल्याबका सहसंस्थापक तथा अध्यक्ष हुन्।

सरकारले यसअघि योजना आयोग उपाध्यक्षमा डा. गुणाकर भट्टलाई नियुक्त गरिसकेको छ।