काठमाडौं । इरानका उपविदेशमन्त्री सईद खातिबजादेहले इरान अझै अमेरिकासँग नयाँ प्रत्यक्ष वार्ताका लागि तयार नभएको बताएका छन्।

खातिबजादेहले भने – अमेरिका आफ्नो कडा सर्तहरू त्याग्न तयार छैन।

खातिबजादेहले एसोसिएटेड प्रेस समाचार एजेन्सीलाई बताए – इरानले आफ्नो समृद्ध युरेनियम अमेरिकालाई दिने छैन।

खातिबजादेहले दुई पक्षबीच सम्पर्क भएको बताए, तर इरानले आमनेसामने वार्ता अघि “ढाँचा सम्झौता” लाई अन्तिम रूप दिन चाहन्छ।

उनले भने, “अमेरिकाले इरानमाथि लगाइएका प्रतिबन्धहरू सहित हाम्रा मुख्य चासोहरूलाई बुझ्नुपर्छ र सम्बोधन गर्नुपर्छ।”

यसअघि शनिबार अमेरिकी राष्ट्रपति डोनाल्ड ट्रम्पले इरानसँगको वार्ता धेरै राम्रोसँग चलिरहेको बताएका थिए। खातिबजादेहको दाबी ट्रम्पको भनाइको विपरीत छ।