काठमाडाैं। नेपाली कांग्रेसले पार्टीको केन्द्रीय अनुशासन समितिलाई नयाँ स्वरूप दिएको छ।

पार्टी सभापति गगन थापाले विधानको व्यवस्थाअनुसार प्राप्त अधिकार प्रयोग गर्दै उक्त समितिको पुनर्गठन गरेका हुन्। विधान २०१७ (संशोधनसहित) को धारा ३४ को उपधारा (७) बमोजिम गरिएको यस पुनर्गठनमा केन्द्रीय सदस्य तारामान गुरुङलाई संयोजकको महत्त्वपूर्ण जिम्मेवारी सुम्पिएको छ।

समितिको सदस्यहरूमा धना खतिवडा, रमेशप्रसाद धमला र बजरंग नेपालीलाई मनोनयन गरिएको छ। पार्टीका कार्यवाहक मुख्य सचिव कृष्णप्रसाद दुलालले यस निर्णयबारे औपचारिक जानकारी दिँदै नयाँ टोलीले पार्टीभित्रको अनुशासन र मर्यादा कायम राख्न काम गर्ने बताएका छन्।

यसअघि रिक्त वा निष्क्रिय रहेको समितिलाई पूर्णता दिँदै कांग्रेसले आन्तरिक सुदृढीकरणको प्रयासलाई अघि बढाएको देखिएको छ।