काठमाडौँ। राष्ट्रिय स्वतन्त्र पार्टी (रास्वपा) काठमाडौं महानगरपालिकाको सम्पन्न अधिवेशनबाट हरेराम तिमिल्सिना “विजय” महाधिवेशन प्रतिनिधिमा सर्वसम्मत रूपमा विजयी भएका छन्।

पार्टी स्थापना कालदेखि नै संगठन निर्माण र पार्टीका गतिविधिहरूमा सक्रिय रहँदै आएका तिमिल्सिनालाई महानगरका प्रतिनिधिहरूले सर्वसम्मत रूपमा चयन गरेका हुन्।

नेपाली राजनीतिमा ‘मत परिवर्तन’ (ब्यालट चेन्ज) मार्फत मात्रै मुलुकमा दिगो विकास, सुशासन र समृद्धिको ढोका खोल्न सम्भव छ भन्ने वैचारिक एजेण्डालाई आम जनतामाझ स्थापित गराउन उनले महत्त्वपूर्ण भूमिका खेल्दै आएका छन्।

महाधिवेशन प्रतिनिधिमा सर्वसम्मत निर्वाचित भएसँगै तिमिल्सिनाले आगामी राष्ट्रिय महाधिवेशनमा काठमाडौँ महानगरका तर्फबाट प्रतिनिधित्व गर्दै पार्टीको नीति र आगामी कार्यदिशा तय गर्न रचनात्मक भूमिका निर्वाह गर्ने विश्वास लिइएको छ।