काठमाडौं। फिफा विश्वकप २०२६ को नकआउट चरणमा प्रवेश गर्ने क्रममा संयुक्त राज्य अमेरिकाले बोस्निया–हर्जगोभिनामाथि २–० को प्रभावशाली जित निकालेको छ।

सान फ्रान्सिस्को बे एरिया स्टेडियममा सम्पन्न निकै प्रतिस्पर्धात्मक खेलमा अमेरिकाले निर्धारित समयमा दुई गोल गर्दै अन्तिम १६ को यात्रा पक्का गरेको हो। खेलको पहिलो हाफको ४४औँ मिनेटमा फोलारिन बालोगुनले गोल गर्दै अमेरिकालाई सुरुवाती अग्रता दिलाएका थिए।

दोस्रो हाफमा अमेरिका १० खेलाडीमा सीमित भएपछि खेल थप रोमाञ्चक बनेको थियो। खेलको ६४औँ मिनेटमा बालोगुनले रातो कार्ड खाएर मैदान बाहिरिएपछि बोस्नियाले खेलमा फर्कने प्रयास गरेको थियो।

तर अमेरिकी रक्षापंक्ति र गोलरक्षकले बोस्नियाका लगातारका प्रहारहरूलाई विफल पारिदिए। खेलको ८२औँ मिनेटमा मलिक टिलम्यानले उत्कृष्ट फ्रिकिक गोल गर्दै अमेरिकाको जित सुनिश्चित गरेका थिए। यस जितसँगै अमेरिकाले अब अन्तिम १६ को खेलमा बेल्जियमसँगको भिडन्त तय गरेको छ।