काठमाडौं । आत्मदाह गरेका मुगुका गणेश नेपालीको न्यायको माग गर्दै काठमाडौंको वीर अस्पताल अगाडि प्रदर्शन गरिएको छ। शनिबार दिउँसो प्रदर्शनकारीहरूले सरकार र सत्तारुढ दल राष्ट्रिय स्वतन्त्र पार्टी (रास्वपा) विरुद्ध चर्को नाराबाजी गरेका छन्।

प्रदर्शनका क्रममा सहभागीहरूले प्रधानमन्त्री बालेन शाह र रास्वपा सभापति रवि लामिछानेलाई लक्षित गर्दै विभिन्न नारा लगाएका थिए। प्रदर्शनलाई मध्यनजर गर्दै सो क्षेत्रमा सुरक्षा व्यवस्था कडा पारिएको छ।

गणेश नेपालीको शव हाल त्रिवि शिक्षण अस्पताल (टिचिङ)मा पोस्टमार्टमका लागि राखिएको छ। आफन्तहरूले आफ्ना माग पूरा नभएसम्म शव नबुझ्ने अडान लिएका छन्।

यस विषयमा सरकारी पक्ष र पीडित परिवारबीच हिजोदेखि नै वार्ता चलिरहेको छ। यद्यपि, दुवै पक्षबीच अहिलेसम्म सहमति जुट्न सकेको छैन।