काठमाडौं । धनुषा जिल्लामा लगाइएको निषेधाज्ञा सोमबार बिहान ५ बजेदेखि हट्ने भएको छ।

शनिबार बिहान १० बजेदेखि जारी गरिएको निषेधाज्ञा सोमबार बिहान ५ बजेदेखि हटाइएको जिल्ला प्रशासन कार्यालय धनुषाले आइतबार साँझ एक सूचना जारी गर्दै जानकारी दिएको छ।

आन्दोलनरत पक्षले आन्दोलनका सबै कार्यक्रम फिर्ता लिएको र सुरक्षा अवस्था तथा जनजीवन सामान्यीकरणतर्फ उन्मुख भएकोले पछिल्लो सुरक्षा स्थितिलाई विश्लेषण गर्दै निषेधाज्ञा हटाउने निर्णय जिल्ला सुरक्षा समितिको बैठकले गरेको उक्त सूचनामा उल्लेख छ।