काठमाडौं। नेपाल राष्ट्र बैंकको मौद्रिक व्यवस्थापन विभागले रु ६० अर्ब बराबरको एकमहिने निक्षेप संकलनका लागि बोलकबोल आह्वान गरेको छ।

राष्ट्र बैंकका अनुसार उक्त निक्षेप संकलन उपकरणको बोलकबोल प्रक्रियामा केन्द्रीय बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन पाउनेछन्।

बोलकबोलमा सहभागी हुन चाहने बैंक तथा वित्तीय संस्थाले घटीमा रु १० करोड र बढीमा १० करोड रुपैयाँले भाग गर्दा निःशेष भाग जाने गरी कुल आह्वान गरिएको रकमसम्म आवेदन दिन सक्ने राष्ट्र बैंकले जनाएको छ।