भोजपुर — भोजपुर बजारमा बिक्रीका लागि राखिएका भोजपुरे खुकुरीले यहाँको परम्परागत सीप र पहिचानलाई झल्काउने गरेका छन्। भोजपुरे खुकुरी नेपालमा मात्र नभई विदेशमा समेत चर्चित छ।

भोजपुरे खुकुरी नेपाली मौलिकता, परम्परा र स्थानीय हस्तकलासँग जोडिएको छ। पुस्तौँदेखि खुकुरी निर्माणमा संलग्न कालीगढहरूको सीप र मेहनतले यसलाई छुट्टै पहिचान दिलाएको छ।

भोजपुर बजारमा विभिन्न आकार र बनावटका खुकुरी बिक्रीका लागि राखिएका देखिन्छन्। नेपाली समाजमा खुकुरीलाई परम्परागत औजारका साथै वीरता र पहिचानको प्रतीकका रूपमा समेत लिने गरिन्छ।

भोजपुरे खुकुरीको चर्चा देशभित्र मात्रै सीमित छैन। विदेशमा समेत यसको पहिचान रहेकाले यो भोजपुरको मौलिक उत्पादन र स्थानीय सीपको परिचायक बनेको छ।