मुम्बइ। विवाहको विषयमा भारतमै सबैभन्दा धेरै चर्चामा रहने बलिउड सुपरस्टार सलमान खानको स्वयंवर भएको छ। उनीसँग स्वयंवर गर्न दुई सुन्दरीहरु प्रतिस्पर्धामा थिए । चर्चित शो बिगबोसको सेटमा सलमानसँग स्वयंवर गर्न भन्दै चर्चित शो नागिन ३ का दुई सुन्दरीहरु सुरभी ज्योति र अनिता हसनन्दानी हातमा वरमाला लिएर सलमानको शोमा पुगेका हुन् ।

सलमानसँग स्वयंवर गर्न पुगेका दुवै नागिनले आ-आफ्नो तारिफ गरेका छन् । सलमानले यी दुई नागिनसँग उनीहरुको उमेर सोध्छन् । एउटीले १ हजार वर्ष र अर्कीले ७ सय ८० वर्ष बताउँछिन् । सलमानले दुई–दुई नागिन आफ्नो गर्लफ्रेण्ड बन्न चाहेको भन्दै आफू निकै भाग्यमानी भएको बताउँछन् ।

हेर्नुहोस् भिडियो