मुम्बइ। हाइ हिल्स, ब्लु आइज, लुंगी डान्स, डोप शोप, देसी कलाकार, अंग्रेजी बिट लगायतका सुपरहिट गीतले विश्वभर चर्चित भएका भारतीय गायक यो यो हनी सिंह निकै चर्चित छन् । ३५ वर्षका हनी सिंह विवाहित हुन् । उनले स्कुलदेखिकी प्रेमिका शालिनी तलवारसँग विवाह गरेका हुन् । शालिनी निकै सुन्दर छिन् । शालिनी र हनी सिंहले एकसाथ स्कुलको पढाइ पूरा गरेका हुन् ।

स्कुल पूरा भएपछि हनी सिंह बेलायत गए तर उनले शालिनीलाई भुल्न सकेनन् । हनी सिंहले सफल भएपछि र प्रसिद्धि प्राप्त गरेपछि फर्केर उनै बाल्यकालकी प्रेमिका शालिनीसँग विवाह गरे । यद्यपि उनले यो कुरा गोप्य राखेका थिए ताकि युवतीहरुमाझ उनको लोकप्रियता कम नहोस् । शालिनी र हनी सिंहले २३ जनवरी २०११ मा विवाह गरेका हुन् । शालिनी दिल्लीमा बस्ने पंजाबी परिवारकी हुन् । यी दुईले सिख परम्पराअनुसार विवाह गरेका थिए । हेर्नुहोस् शालिनीका केही तस्वीरहरु –