काठमाडौँ। विपिन कार्की अभिनीत चलचित्र ‘गोपी’को चार पोस्टर सार्वजनिक गरिएको छ। बुधवार सार्वजनिक गरिएका चारै पोस्टरमा नायक विपिन कार्की देखिएका छन् भने एक पोस्टरमा विपिनसँगै चलचित्रका दुई अभिनेत्री सुरक्षा पन्त र वर्षा राउत देखिएका छन्।

दीपेन्द्र लामाद्वारा निर्देशित ुगोपीमाु विपिनले किसानको भूमिका निर्वाह गरेका छन्। सामिप्य तिमल्सेना लेखक र श्रीधर पौडेल कार्यकारी निर्माता रहेको चलचित्रमा शैलेन्द्र डी कार्कीले छायाङ्कन र निमेष श्रेष्ठले सम्पादन गरेका छन् ।

चलचित्रमा प्रकाश घिमिरे, रमेश अधिकारी, सरोज अर्याल, कमलमणि नेपाललगायतको पनि अभिनय छ । आरोही इन्टरटेनमेन्टका लागि आरोही केसीद्वारा निर्मित ुगोपीु माघ १८ गते प्रदर्शनमा आउँदैछ ।