काठमाडौं। पूर्व प्रहरीमहानिरीक्षक हेमबहादुर सिंहको निधन भएको छ। बिहीबार ८२ वर्षको उमेरमा हेम्स हस्पिटल मण्डिकाटारमा उनको निधन भएको हो।

बझाङको बुंगलन नगरपालिका ६ मा जन्मिएका सिंह हाल काठमाडौं महानगरपालिका ६ बाँसबारी बस्दै आएका थिए। दिंवगत सिंहको शुक्रबार बिहान ८ बजे पशुपति आर्यघाटमा अन्तिम संस्कार गरिने पारिवारिक स्रोतले जनाएको छ।

नेपाल प्रहरीका १२ औं महानिरीक्षक सिंह २०४३ साल असारमा महानिरीक्षक भएका थिए। उनी २०४७ जेठसम्म प्रहरीको नेतृत्वमा रहेका थिए।