काठमाडौँ । इन्डोनेसियामा अलपत्र परेकी एक नेपाली विद्यार्थीको उद्धार भएको छ । अध्ययनका लागि भारतकाे हरियाणामा रहेकाे एक विश्वविद्यालयमार्फत इन्डोनेसिया पुगेकी रत्ननगर–९ चितवनकी शेभिका ढकाल अन्तराष्ट्रिय उडान बन्द भएपछि उतै अलपत्र परेकी थिइन्।

उनको इन्डोनेसियामा रहेको भारतीय दूतावास मार्फत उद्धार गरिएको हो । भारतले इन्डोनेसियामा रहेका आफ्ना नागरिकहरुलाई उद्धार गर्ने क्रममा उनलालाई पनि उद्धार गरिएको इन्डोनेसियास्थित भारतीय दूतावासले ट्वीटटरमार्फत जानकारी गराएको छ ।

Shevika Dakal, a Nepali student of BBA, in Maharishi Markandey Uni, was in Indonesia as part of an exchange program with Airlangga Uni. She left for India by AI 1039. She is thankful to the GOI for the #VandeBharatMission
Thanks to @MoCA_GOI @MoHFW_India @DDNewslive @MEAIndia pic.twitter.com/Ehig6U1yKQ

— India in Indonesia (@IndianEmbJkt) May 22, 2020

उनले आफूलाई उद्धार गरिदिन नेपाल सरकारलाई अनुरोध गरेको र नेपाल सरकारले भारतलाई अनुरोध गरिदिएपछि आफू इन्डोनेसियाबाट फर्किन पाएको बताएकी उनले एक भिडियोमा बताएकी छन् ।

उनले आफ्नो उद्धार भएपिछ नेपाल र भारत दुवै सरकारलाई धन्यवाद समेत दिएकी छन् ।

शेभिका सुरुमा महाऋषि मार्कण्डेय विश्वविद्यालय हरियाणामा बीबीए अध्ययन गर्न गएकी थिइन् । पछि इन्डोनेसियाको विश्वविद्यालय र महाऋषि मार्कण्डेय विश्वविद्यालयबीच विद्यार्थी आदानप्रदान कार्यक्रम भएअनुसार उनी त्यहाँ पुगेकी थिइन् ।