काठमाडौं। अन्तरिक्षबाट आएको एक विशाल उल्कापिंड उत्तर पश्चिमी अमेरिका र दक्षिणी ओन्टारियोको आकाशमाथि पृथ्वीको वातावरणमा आएर विष्फोट भएको छ । झुक्किएर रेकर्ड भएका केही भिडियो फुटेजहरुमा अपरान्हको समयमा आकाशमा अत्याधिक प्रकाश फैलिएको देखिएको छ र विष्फोटको ठूलो आवाज सुनिएको छ । अमेरिकन मेटेओर सोसाइटीले मेरिल्याण्ड वाशिङटन, डिसी भर्निनिया, पेन्सलभेनिया न्यूयोर्क, ओन्टारियो र मिशिगनका करिब १५० ठाउँका स्थानीयले बुधबार अपरान्ह आकाशमा आगोको गोला देखेका थिए ।

WOAH. Okay, now this is pretty wild! @EarthCam video shows a fireball meteor producing a huge flash over Upstate NY on Wednesday afternoon. There were reports of a loud boom from Ontario to Virginia! #meteor #NewYork pic.twitter.com/onb3kftf96

— Lauren Rainson (@LaurenRainson) December 2, 2020

नासाका अधिकारीहरुले उल्कापिंड पृथ्वीको वायुमण्डलभित्र प्रवेश गरेको स्याटेलाइट तस्वीर जारी गरेका छन् । यो उल्कापिंड ५६ हजार माइल प्रतिघण्टाको गतिमा पश्चिमतर्फ गइरहेका बेला पृथ्वीको वायुमण्डलमा प्रवेश गरेको नासाको मेटोरोइड इन्भाइरोनमेन्ट अफिसका प्रमुख बिल क्रुकले एनबीसी न्यूजसँग बताएका छन् । त्यसपछि यो पिण्ड पृथ्वीको सतहभन्दा २२ माइल माथि टुक्राटुक्रा भएर विष्फोट भएको क्रुकले बताए ।