काठमाडौं। सुर्खेतबाट बर्दियामा बिहेका लागि जाँदै गरेको एक बस शुक्रबार राति साढे १० बजेतिर बाँकेको बैजनाथ गाउँपालिका वडा नम्बर २ डिगिया भन्ने स्थानमा दुर्घटनामा परेको छ।

बाँके प्रहरीका अनुसार दुर्घटनामा परी १३ जना घाइते भएका छन्। उनीहरु सबैको कोहलपुर मेडिकल कलेजमा उपचार भइरहेको छ।

बाँके प्रहरीका अनुसार भे १ ख २०१७ नम्बरको जन्ती बस सडकबाट बायाँतर्फ ४ मिटर टाढा पल्टिएको छ। दुर्घटनाको कारण खुल्न सकेको छैन। सो बसमा ३६ यात्रु रहेको जनाइएको छ। सबै घाइतेको अवस्था समान्य रहेको बाँके प्रहरीले जनाएको छ।