काठमाडौं। कपिलवस्तुमा नेकपा माओवादी केन्द्रका जिल्ला कमिटी सदस्य दीपक पाण्डेमाथि बुधबार राति एक समूहले गोली प्रहार गरेको छ। तीन जनाको समूहले प्रहार गरेको गोली पाण्डेको पेट र कम्मरमा दुईवटा गोली लागेको छ।

कपिलवस्तु तौलिहवाका ३५ वर्षीय घाइते पाण्डेको युनिभर्सल मेडिकल कलेज भैरहवामा उपचार भइरहेको प्रहरी नायव उपरिक्षक (डिएसपी) धर्मराज पाण्डेले जानकारी दिए।

पाण्डेको शरीरबाट एउटा गोली निकालिएको र अर्को निकाल्न बाँकी रहेको छ उनको अवस्था चिन्ताजनक रहेको छ। ठेक्कापट्टाको काम गर्ने पाण्डेमाथि निग्लिहवातर्फबाट मोटरसाइकलमा आएका तीनजनाको समूहले गोली चलाएको प्रहरीले जनाएको छ। पाण्डेले नदिजन्य, क्रसर उद्योग तथा ठेक्कापट्टाको काम गर्दै आएका छन्।