काठमाडौं। माइक्रोसफ्टका संस्थापक अर्बपति बिल गेट्स र उनकी पत्नी मेलिन्डाले सम्बनधविच्छेदको घोषणा गरेको ३ हप्तापछि पहिलो पटक सार्वजनिक रुपमा देखिएका बिल गेट्सको हातमा बिहेको औंठी देखिएपछि यसको चर्चा चुलिएको छ । यो जोडीले यही मे महिनाको सुरुवातमा आफूहरुले २७ वर्ष लामो वैवाहिक सम्बनधको अन्त्य गर्दै सम्बन्धविच्छेद गर्न लागेको घोषणा गरेका थिए ।

म्यानहट्टनको वेस्ट भिलेज नेबरहुडमा रहेको ग्रिनविच होटलबाट निस्किँदै गर्दा ६५ वर्षीय बिलहो हातमा बिहेको औंठी देखिएको थियो । सम्बन्धविच्छेदको घोषणा गरेको यति लामो समय भइसक्दासम्म पनि वैवाहिक सम्बन्ध जोड्ने एक कडी मानिने औंठी उनको हातमा हुनुलाई अर्थपूर्ण रुपमा लिइएको छ । सार्वजनिक रुपमा देखिएका बिलको साथमा उनकी कान्छी छोरी फोएबे र उनका ब्वाइफ्रेण्ड पनि थिए । यसअघि यी तीनलाई शुक्रबार नेवार्क विमानस्थलमा एक निजी जहाजबाट बाहिर निस्किँदै गर्दा देखिएको थियो ।