चितवन । नारायणगढ–मुग्लिन सडकखण्ड पुनः अवरुद्ध भएको छ। चितवनको कालीखोलामा खसेको सुक्खा पहिरोका कारण सडक अवरुद्ध भएको चितवन प्रहरीले जनाएको छ।

सोमबार विहान साढे ४ बजे इच्छाकामनाको कालीखोलामा सडकमा पहिरो खसेको थियो। सुख्खा पहिरो खस्नेक्रम चलिरहेकाले सवारी साधनहरु चल्न सकेका छैनन्।

जिल्ला प्रहरी कार्यालय चितवनले पहिरो पन्छाएर यातायात सञ्चालनमा ल्याउन केही समय लाग्ने बताएको छ।